Saninten buah saninten, saninten diparapatan
Hapunten abdi hapunten, hapunten tina sadaya kalepatan
Ulah sok ngabotol limun, hayang mah cicikeun wae
Ulah sok getol ngalamun, hayangmah kawinkeun bae
Tipeuting ngaji Imriti, tibeurang ngaji Yakulu
Tipeuting ka impi-impi, tibeurang asa mimilu
Mencit meri dina rakit, boboko wadah bakatul
Lain nyeri kupanyakit, kagoboh direbut batur
Boboko ragrag ti imah, ninggang kana pileuiteun
Ulah sok bogoh ka semah, ari balik sok leungiteun
Parentul iwung paragpag nangka, aya beunyeur tapianeun
Parentul irung, paragpar mata, mawa beuteung eusianeun
Manuk ciung na pisitan, rambutan aratah keneh
Dicium kunu kumisan, sabulan karasa keneh
Cikur liung jahe koneng, lampuyang pamura beuteung
Indung jangkung bapa koneng, anakna burayut beuteung
Ketuk tilu kendang dua, erloji diputer deui
Huntu tilu kari dua, nu hiji geus ungger deui
Tidak ada komentar:
Posting Komentar